The above Video is only INTRODUCING PROMO of under production project as per following Subject. Casting, pre production and other features related to subjected movie are on progress.

Subject:

Sameer aur Ruhi dono ek hi college main padhte hai.  Sameer bohut hi Flirty, aaiyaash aur paise vala ladka hai.  Sameer Ruhi ko paana chahta hai aur usse apni jhoothi mohobbat ka bharosa dilata hai.  Ruhi ka dil jeet lene ke baad uss se sharirik sampark sthapit karta hai, Ruhi bacche ki maa banne vali hoti hai aur Sameer se shadi ki baat karti hai.  Sameer uske prastaav ko thukra deta hai aur shadi se mana kar deta hai.  Ruhi, Sameer se shadi ki hatt lagai rehti hai, Sameer ek din nashe me Ruhi ko hotel chat se niche gira deta hai. Ruhi mar jati hai.

Sameer aaee din kisi na kisi ladki ko fasaata rehta hai.

Ruhi ki aatma Sameer ki body mein parvesh karke Sameer se Sameer ki girlfriend ka murder karvati rehti hai. Ek din Sameer ko Natasha (lead), ek party main milti hai.  Sameer usko kisi b’hane se ekaant jagah par le jata hai aur bhoot banker usko marne ki koshish karta hai.  Anwar miyaa jo iss baat se achhi tarah vakiff they, aur har baar vo ladkiyoon ko sameer ke changul se bachana chahte they, par bacha nahi paate they.  Iss baar vo Natasha ko Sameer ke changul se bacha lete hain.  Sameer, Natasha ki jaan ke pichhe padh jata hai.

Anwar miyaa b’tate hain ki Sameer ke andar Ruhi ki aatma hai, jo ek bache ki maa banne wali thi aur vo bohut shakti shaali aatma ka roop manna jata hai, kyuki usme Ruhi ke sath uske bache ki bhi aatma ka pravesh rehta hai.  Natasha ka sameer se bachna lagbhag na-mumkin hai.

Vinay, Natasha ka premi hai.  Vinay, anwar miyaa se Natasha ko bachane ka upaay puchhta hai. Anwar miyaa b’tate hain ki vo ek dharmik aatma ko jaante hai.  Vo Ruhi ki aatma se shakti shaali toh nahi hai kintu hum koshish kar sakte hai uss se muqabla karne ki.  Iske liye uss dharmik aatma ko kisi Navyuvak ki body mein pravesh karvana padega.  Navyuvak mein pravesh hone ke baad veh ruhi ki aatma se muqabla kar skta hai parantu iss mein uss navyuvak ki jaan bhi jaa sakti hai. Vinay uss aatma ko apni body mein pravesh karane  ke liye tayaar ho jata hai kyonki vo Natasha se bohut pyaar karta hai.  Anwar miyaa uss dharmik aatma ko Vinay mein pravesh karva dete hain. Yahan se shuru hota hai Vinay ke andar dharmik aatma aur Sameer ke andar Ruhi ki aatma ka sangharsh.

Kyon ki Vinay ke andar dharmik aatma, Sameer ke andar Ruhi ki aatma se kamjor hai, Isliye Vinay maut ke darwaje taak pohunch jata hai.  Usse koi bhi bachne ka rasta nahi milta.  Anwar miyaa, Vnay ko bachane ki poori koshish karte hai, lekin fail ho jate hai.  Vinay maut ke changul me fassa hua tadap rha hota hai, bachne ka koi aasaar najar nahi aata.  Anth main Natasha aur Vinay ke pariwaar vale tatha Anwar miyaa Mandir, Masjid, Gurudware aur Girja gharoon main jaa kar bhagwan se Vinay ki raksha ki fariyad karte hain. Bhagwan ki shakti Vinay main prajvalit hoti hai aur Vinay ko punah shakti ka ehsaas hota hai aur vo Ruhi ki aatma se sangharsh kar uss par Vijay haasil karta hai.  Ruhi apne roop main aati hai aur sabse shama mangti hai aur btati hai ki kis tarah Sameer ne uske sath anyay kia tha aur use hotel ki manzil se niche gira diya tha.  Vo kisi bhi halat mein haar nahi sakti thi, Parantu Vinay aur Natasha ke pariwaar valoon tatha Anwar miyaa ke pass bhgwan ki shakti aa gai iss liye mujhe uss shakti ke aage jhukna pada.  Itna keh kar vo aakash main veleen ho jati hai.